Viva Hotmen Jerome Ocampo sex video?

Matagal nang tinigbak ng Viva Artist Management ang Viva Hotmen, pero hanggang ngayon ay maintriga pa rin ang all-male sexy group na ito.

Hindi matapus-tapos ang isyung ang ibang mga dating miyembro nito ay nabubuhay na lang sa "bookings" sa mayayamang bading.

Ang iba sa kanila ay nasa Japan at nagho-hosto.

Si Jerome Ocampo ay matagal nang bumalik sa Seattle, Washington, pero lately ay nabalitang may sex video siya.

Ayon sa mga kuwentuhan, nagma-masturbate si Jerome sa sex video na ito at patingin-tingin at pangiti-ngiti pa sa camera.

Obvious daw na aware si Jerome na kinukunan siya ng video habang nagma-masturbate siya.

Dahil wala kaming contact kay Jerome, ang scriptwriter turned talent manager at very close sa kanya na si Dennis Evangelista ang inusisa namin tungkol sa sex video na ‘yon.

Ayon kay Dennis, aware si Jerome sa kumakalat na sex video. Pero nag-deny na raw ang binatang-ama (may naanakan ito rito sa ‘Pinas bago bumalik ng Amerika) tungkol doon.

Wala raw itong sex video.

"Baka kamukha lang daw niya. Hindi naman daw siya pervert para magpakuha ng ganoon. Wala raw siyang ginagawang ganoon.

"Kahit ang mga naging girlfriend daw niya noong nandito pa lang siya sa Philippines, never siyang kinunan ng video habang nagma-masturbate.

"Feeling ko rin, kamukha lang niya ‘yung nasa sex video," pahayag ni Dennis.

Nakikiusap daw si Jerome na patahimikin na siya ng mga intrigero’t intrigera dahil pinipilit na niyang mamuhay nang tahimik sa Seattle, Washington.

"Malayo na siya sa showbiz. Right now, dalawa ang trabaho niya sa Amerika at balak na rin niyang mag-aral uli.

"Feeling ko, wala na rin siyang balak na magbalik sa pag-aartista," pahayag pa ni Dennis. link