Piolo Pascual, Mariel Rodriguez at Dawn Zulueta, hosts ng Star Awards

SINA Piolo Pascual, Mariel Rodriguez at Ms. Dawn Zulueta ang mga kumpirmadong hosts sa much-awaited at bonggang-bonggang 24th Star Awards for Movies ng Philippine Movie Press Club (PMPC), Inc.

Si Piolo ang nagwaging Star best actor last year (ka-tie si Jericho Rosales), at nominado pa rin ngayong taon. Si Dawn naman ay past Star best actress awardee rin.

Tila “bumabawi” sa PMPC si Piolo. Dahil sa dalawang beses na pinarangalan ng club ang kanyang galling bilang aftor ay hindi siya nakarating to perso-nally receive his trophies (with valid reasons).

Ito ay last year nang mag-win siya as Movie Actor of the Year sa Star Awards for Movies (March ’07) for Don’t Give Up On Us at bilang Best Drama Actor naman for Star Awards for Television (November ’07) para sa Walang Kapalit.

Sa dalawang beses na nakausap namin personally si Piolo ngayong 2008 – una ay sa Grand Fans Day niya last summer, ikalawa ay sa Lobo presscon niya sa ABS-CBN, ang sabi nito’y willing siya mag-host for Star Awards for Movies, basta ba’t libre siya.

At eto na nga’t tinupad ng guwapong aktor ang kanyang pangako para sa PMPC, first time as host ng Star Awards, at sa Dos pa ang TV coverage.

Nakakatuwa naman si Ms Dawn Zulueta dahil hindi nahirapan ang production sa pagkuha sa kanya bilang one of the female hosts, gayundin si Mariel.

Nag-win as Movie Actress of the Year si Dawn noong 1994 para sa Buhay Ng Buhay Ko, ka-tie si Maricel Soriano for Separada.

* * *

Gaganapin nga ang star-studded 24th Star Awards for Movies ngayong Biyernes, June 27, 6:00 PM sa Henry Lee Irwin Theater ng Ateneo De Manila University (Quezon City).

Handog ng GARP Events Productions, ang unang televised movie awards night na ito (ngayong taon) ay mapapanood sa ABS-CBN ngayong Linggo, June 29, 10:00 p.m.

Trivia hosts naman ang two-time Star best actor na si Aga Muhlach (nominado rin this year), kasama sina Angel Locsin and best supporting actor nominee Luis Manzano.

Nagpapasalamat ang PMPC sa mga managers ng kanilang trivia hosts: Manay Ethel Ramos (PMPC past president) for Aga, Becky Aguila for Angel, at Tita June Rufino for Luis.

Sa kanilang busy skeds, naisingit ng tatlong sikat na mga artista (puro may name, mind you) ang mag-taping last week ng kanilang spiels para sa Trivia portion ng awards night on Friday, huh!

May theme na Musical Moments at the Movies, mapapanood sa trivia portion ang biggest stars of Philippine Cinema na umaawit o sumasayaw sa kanilang past films – tulad nina Nora Aunor, Vilma Santos, Sharon Cuneta, Dolphy, Nida Blanca, Regine Velasquez, at Fernando Poe, Jr.

* * *

Ang mga performers sa Gabi ng Parangal ng PMPC ay ang mga sumusunod:

Opening dance showdown nina John Pratts at Gabriel Valenciano, with La Salle Dancers at Manouvres.

Hahataw sa isang sexy production dance number ang dalawang best supporting actress nominees na sina Ara Mina at Maja Salvador, kasama ang Mocha at Sexbomb Dancers.

Para sa tribute kay Mr Rudy Fernandez bilang recipient ng Ulirang Artista Lifetime Achievement Award (Posthumous), aawit sina Erik Santos, Gian Magdangal, at si Ms. Pops Fernandez.

Isang maigting na finale song number naman ang gagawin ng four-time Star best actor na si Mr Christopher de Leon kasama ang pop diva na si Ms Kuh Ledesma.

Sponsors ng 24th Star Awards for Movies ang: Kremil-S, Carbocisteine Solmux, Biogesic, McDonalds’, Gran Matador Brandy, Met-Tathione, Clear, Vaseline Shampoo, Palmer’s Cocoa Butter, Formula Lotion, F Salon, Bear Brand Choco, at Circulan.

Dapat ring magpatalbugan sa mga kasuotan ang mga celebrities and nominees na aattend dahil hindi lang isa, kundi apat na “special awards” with cash prizes ang ipamimigay:

Celebrity Fab of the Night (mula sa Nature’s Harvest Fab), Star of the Night (from Lucida DS), Face of the Night (Mendez Medical Group) at ang Celebrity Mom of the Night (from Cebuana Lhuillier).

[via]